Ni kamalakgatumiw tuku nixaxlikana

Tamakatsinin lu lakapala kalakgchan latamanin xlakata la uku anan radio, televisión chu Internet. Akinin tiku kakninaniyaw Dios tiku ni akgsaninan, ni malakgatumiputunaw tuku nixaxlikana, asta maski nitu lakpuwanitaw pi chuna natlawayaw (Sl 31:5; Éx 23:1). Tuku kawaniyaw amakgapitsin max lu nitlan katikitaxtulh. Xlakata tlan nakatsiyaw komo xlikana tuku kinkawanikan, kalilakpuwaw umakgolh takgalhskinin:

• ¿Tlan nalipawanaw tiku kinkawanin? Tiku kinkawanin max ni katsi putum tuku lalh. Tuku wankan talakgpalitilha akxni wanikan achatum. Wa xlakata kuenta katlawa akxni ni liwana katsiya niku kilhtsukucha uma tachuwin. Tiku kgalhikgo akgtum talakgatay kcongregación na talakaskin tlan nakalipawankan akxni wi tuku nawankgo, wa xlakata lu kuenta xlitlawatkan ni nawankgo tuku ni liwana katsikgo.

• ¿Natlawa pi nitlan katilichuwinanka chatum lataman? Komo chuna, nialh kalichuwinaw (Pr 18:8; Flp 4:8).

• ¿Tlan kanajlakan? Kuentajkatlawa akxni wankan tuku nila tamakanajli.

AKXNI AKXILHNITATA VIDEO ¡KAMALAKGACHOKGO TAʼAKGSANIN!, KAKGALHTI UMAKGOLH TAKGALHSKININ:

• 

  Chuna la wan Proverbios 12:18, ¿tuku lu nitlan tlawa kintachuwinkan?

• 

  ¿La kinkamakgtayayan Filipenses 2:4 liwana nalakapastakaw tuku nakawaniyaw amakgapitsin?

• 

  ¿Tuku kilitlawatkan akxni wi tiku nitlan kalichuwinama amakgapitsin chu kalakawanima?

• 

  Akxni nina kalichuwinanaw amakgapitsin, ¿tuku takgalhskinin nalilakpuwanaw?