¿Tlan namastaya minkilhtamaku chu militliwakga?

Chuna la lichuwinalh Isaías, xkachikin Jehová nema wi kkatiyatni lu stakma (Is 54:2). Wa xlakata tlakg talakaskin lhuwa Pukgalhtawakga, Salones de Asambleas chu edificios ksucursales. Akxni katlawakgokanita, talakaskin nakakuentajtlawakan chu alistalh nakakaxtlawakan. Putum uma tlawa pi namaxkiyaw Jehová kinkilhtamakujkan chu kilitliwakgakan. Akgtum liʼakxilhtit:

• Tlan namakgtayayaw grupo niku kinkalakgchanitan xlakata nakaxakakan kPukgalhtawakga.

• Tlan naʼanaw niku masiyakan la nakuentajtlawayaw kimPukgalhtawakgakan.

• Tlan namalakgatsamayaw Solicitud de voluntario local de diseño y construcción (DC-50) xlakata namakgtayananaw akxni natlawakan o nakaxtlawakan akgtum Pukgalhtawakga niku lamaw.

• Tlan namalakgatsamayaw Solicitud para el programa de voluntarios (A-19) xlakata namakgtayananaw akgtum semana o liwaka anta kBetel o alakatanu niku mapakgsi sucursal niku tapakgsiyaw.

AKXNI AKXILHNITATA VIDEO NATLAWAKAN XASASTI LAKLANKA CHIKI (KAJ AKTSU), KAKGALHTI UMAKGOLH TAKGALHSKININ:

• Lata kkata 2014, ¿la talhuwinit chuna la maklakaskinkan videos?

• Xlakata tlakg natlawakan videos nema maklakaskinaw, ¿tuku xasasti taskujut lakkaxwilikanit chu tuku kilhtamaku namakgalhsputukan?

• ¿La tlan namakgtayanankgo natalan tiku xatapaxuwan skujputunkgo?

• Komo makgtayanamputunaw ktaskujut nema natatlawa kRámapo, ¿tuku xlakata kilimalakgatsamatkan solicitud DC-50 chu namakgtayananaw akxni LDC natlawa akgtum taskujut niku lamaw?

• ¿Tuku limasiya pi wa Jehová tiku pulalima uma taskujut?

• Maski nila anaw makgtlawayaw uma taskujut, ¿la tlan namakgtayananaw?