¿Pimputuna kʼEscuela xla Tiku lichuwinankgo xTamapakgsin Dios?

Komo wix kgalhiya 23 asta 65 kata, skujnanipat Jehová putum kilhtamaku, ni tatatlaya chu tlan napina niku tlakg talakaskin tamakgtay, ¿tlan xmalakgatsama maktum solicitud xlakata napina kʼEscuela xla Tiku lichuwinankgo xTamapakgsin Dios? Lata akxni tsukulh, lhuwa tiku makgaxtokgkgo, natalan lakpuskatin chu natalan lakchixkuwin tiku nina makgaxtokgkgo malakgatsamakgonit uma solicitud. Pero tlakg talakaskin xtamakgtaykan natalan lakgkgawasan tiku nina makgaxtokgkgo. Kaskini Jehová pi kamakgtayan tlakg naskujnaniputuna chu nastalaniya xliʼakxilhtit xKgawasa (Sl 40:8; Mt 20:28; Heb 10:7). Alistalh kalakkaxwili tuku tlan natlawaya xlakata ni lu lhuwa tuku nalakgatayaya chu tlan napina kʼuma escuela.

¿Tuku tlawakgonit tiku kilakgonit kʼuma escuela? Makgapitsin kamalakgachakanit niku chuwinankan atanu tachuwin o nalichuwinankgo Dios niku lhuwa titaxtukan. Makgapitsin skujkgo la superintendentes de circuito sustitutos, la superintendentes de circuito o la misioneros. Xlakata lilakpuwampat tuku tlan xtlawa xlakata tlakg naskujnaniya Jehová, kastalani xliʼakxilhtit palakachuwina Isaías tiku wa: «¡Unu kwi! Akit kakimalakgacha» (Is 6:8).

AKXNI AKXILHNITATA VIDEO MISIONEROS: SKUJNIN KKAPUKUXTUN, KAKGALHTI UMAKGOLH TAKGALHSKININ:

• ¿La kalaksakkan misioneros tiku nalichuwinankgo Dios?

• ¿Tuku lu tlan taskujut tlawamakgolh misioneros?

• ¿Tuku tasikulunalin lipaxuwakgo misioneros?