¿Tuku kintsankgani xlakata naktamunu?
KILATAMATKAN LA KSTALANINANIN CRISTO
Kalaksakti naskujnaniya Jehová
¿Wix chatum kgawasa o tsumat tiku nina tamunu, o limakgalhtawakgepaka Biblia? ¿Lakapastaknita natamunuya? ¿Tuku xlakata militamunut? Xlakata akxni tamakamastaniyaw Jehová chu tamunuyaw tsukuyaw talalinaw chu tlan nalakgtaxtuyaw (Sl 91:1; 1Pe 3:21). ¿Tuku militlawat xlakata tlan natamakamastaniya Dios chu natamunuya?
Liwana kakatsi pi uma xaxlikana. Komo wi tuku ni liwana kanajlaya, kalakputsanani (Ro 12:2). ¿Wi tuku mililakgpalit kmilatamat? Chuna katlawa xlakata namakgapaxuwaya Jehová (Pr 27:11; Ef 4:23, 24). Kaskini xtamakgtay Jehová chu xla nalimaklakaskin xʼespíritu santo xlakata namaxkiyan litliwakga (1Pe 5:10, 11). Lu tlan nakitaxtu komo naliskuja, xlakata ni anan tuku tlakg tlan ni xawa naskujnaniya Jehová (Sl 16:11).
AKXNI AKXILHNITATA NAWAN VIDEO TIJI NEMA LINAN KTAMUNUT, KAKGALHTI UMAKGOLH TAKGALHSKININ:
¿Tuku tuwa titaxtukgonit makgapitsin xlakata tlan natamunukgo?
¿Tuku tlan natlawaya xlakata nakgalhiya takanajla nema namakgpuwantiniyan natamakamastaniya Jehová?
¿Tuku kamakgpuwantininit lhuwa latamanin xlakata natamunukgo?
¿La kasikulunatlawa Jehová tiku laksakkgo naskujnanikgo?
¿Tuku kilhchanima tamakamastanikan Dios chu tamunukan?