TUKU LHUWA XTAPALH XALAK BIBLIA

Kalitatsekgwi Jehová

Anta kʼIsrael xʼanan akgchaxan kachikin niku tlan xtatsekgkan xlakata anta xʼalh tiku wi tiku xmakgninit maski nichuna xtlawaputun (Nú 35:15; w17.11 9 párr. 4).

Lakgkgolotsin xalak Israel xlakputsananikgo pulakatunu taʼakglhuwit (Nú 35:24; w17.11 9 párr. 6).

Kachikin niku tlan xtatsekgkan xkamakgtaya tiku xmakgninankgonit xlakata nitu xkatlawanika (Nú 35:25; w17.11 11 párr. 13).

Komo chatum lataman wi tiku xmakgni maski nichuna xtlawaputun, xliʼanat xwanit kʼakgtum kachikin niku tlan xtatsekgli chu xtalakaskin wi tuku xlimakgxtakgli. Akinin na talakaskin wi tuku nalimakgxtakgaw komo lakaskinaw pi Jehová nakinkatapatiyan.

Chatum kgawasa tiku lu lakgaputsama. Dibujos niku tasiya makgapitsi latamanin tiku nitlan limakgkatsikgo tuku nitlan tlawakgonit. 1. Chatum chixku tiku xalak makgan Israel tiku tlawalh akgtum talakgalhin chu nitlan limakgkatsi tuku tlawalh litachuwinama chatum kgolotsin tuku akgspulalh kxkilhtin akgtum kachikin niku xtatsekgkan. 2. Kgawasa tiku lichuwinaw xapulana katachuwinan chatiy lakgkgolotsin.