Xtastakyaw Jehová limasiya xtapaxkit

Stakyawanankan kilhchanima masiyanankan chu pulalinankan, pero na kilhchanima palha stakyawanankan chu malakgaxokgenankan. Jehová kinkastakyawayan xlakata nakakninaniyaw chuna la xla lakaskin (Ro 12:1; Heb 12:10, 11). Lakgachunin nakinkakatsaniyan akxni nakinkastakyawakanan. Pero komo makglhtinanaw tastakyaw, xaʼakgstitum nalitaxtuyaw chu Dios nakinkasikulunatlawayan (Pr 10:7). ¿Tuku kuenta xlitlawatkan tiku mastakgo tastakyaw chu tiku kastakyawakan?

Tiku stakyawanankgo. Lakgkgolotsin, natlatni chu amakgapitsin lu liskujkgo xlakata nakinkalimasiyanikgoyan tapaxkit akxni nakinkastakyawakgoyan chuna la tlawa Jehová (Jer 46:28). Asta akxni wi tiku palha nastakyawakan talakaskin chuna natlawakan xlakata paxkikan chu kuenta xlitatlawat tuku titaxtuma (Tit 1:13).

Tiku kastakyawakan. Akxni nakinkastakyawakanan, talakaskin tunkun namakgamakglhtinanaw chu nalilatamayaw (Pr 3:11, 12). Xlakata kimputumkan makglakgalhinanin, maklakaskinaw nakinkastakyawakanan. Tlan nalitastaktayayaw tuku likgalhtawakgayaw kBiblia o tuku kgaxmataw ktamakxtumit. O max namin kilhtamaku natalakaskin nakinkastakyawayan akgtum comité judicial. Komo namakgamakglhtinanaw tastakyaw chu natlawayaw talakgpalit nema natalakaskin, namakglhtinanaw latamat nema nikxni sputa (Pr 10:17).

AKXNI AKXILHNITATA NAWAN VIDEO JEHOVÁ STAKYAWA TIKU PAXKI, KAKGALHTI UMAKGOLH TAKGALHSKININ:

• 

  ¿La xwanit xlatamat Canon akxni aktsujku xwanit, chu tuku lalh alistalh?

• 

  ¿La stakyawalh Jehová?

• 

  ¿Tuku kinkamasiyaniyan tuku titaxtulh Canon?