KILATAMATKAN LA KSTALANINANIN CRISTO
Kakaliʼakxilhwi kinatalankan tiku linkgo kata la kintsekan chu tiku laktsumanku chuna la kinatalankan
Biblia kinkawaniyan pi kakalikatsiniw kinatalankan tiku linkgoya kata chuna la kinatlatnikan chu tiku nina linkgo kata chuna la kinatalankan (kalikgalhtawakga 1 Timoteo 5:1, 2). Tlakg xlakaskinka pi lakchixkuwin chu lakgkgawasan tlan nakalikatsinikgo chu nakamaxkikgo kakni natalan lakpuskatin.
Chatum tala kgawasa nikxni katilimasiyanilh pi lakgati chatum tala tsumat chu ni katitlawalh tuku nitlan nalimamakgkatsini (Job 31:1). Chu chatum tala kgawasa nikxni katilikgamanalh tuku makgkatsi chatum tala tsumat chu ni katilimasiyanilh pi lakgati komo ni lakpuwanit nakgalhi xtaskin o ni tamakgaxtokgputun.
Lakgkgolotsin liwana xlikgaxmatnitkan natalan lakpuskatin tiku tlawakgo akgtum takgalhskinin o litachuwinankgo tuku talakaskin nalakkaxtlawakan. Chu liwaka tlan nakalikatsinikgo natalan lakpuskatin tiku ni kgalhikgo xchixkukan tiku nakakuentajtlawakgo (Rut 2:8, 9).
AKXNI AKXILHNITATA NAWAN VIDEO KALALIMASIYANIW KCONGREGACIÓN TAPAXKIT NEMA NIKXNI SPUTA: LAKPUSKATIN TIKU NIKGONITA XCHIXKUKAN CHU KAMANAN TIKU NIKGONITA XNATLATNIKAN, KAKGALHTI UMAKGOLH TAKGALHSKININ:
¿La limasiyanikgolh tapaxkit natalan xalak congregación tala Myint?
¿Tuku xlakata tapaxkit nema limasiyakgolh natalan xalak congregación tlawalh pi xtalakatsunin tlan xlichuwinankgolh Jehová?
¿La kamakgtayalh xlaktsuman tala Myint tapaxkit nema kalimasiyanikgolh natalan xalak congregación?
¿La tlan nalimasiyaya pi kalilakgaputsaya natalan lakpuskatin xalak mincongregación?