KILATAMATKAN LA KSTALANINANIN CRISTO
Chuntiya kamalakgatawakgew kintalakapastaknikan
Xtachuna la tiku tlawa ejercicio chuntiya xlilakgtawakgat xlakata chuntiya tliwakga nawan, akinin na chuntiya kiliskujatkan xlakata namalakgatawakgeyaw kintalakapastaknikan o tuku kinkamakgtayayan akxni wi tuku laksakaw (Heb 5:14). Maski ni tuwa tlawakan tuku amakgapitsin tlawakgo, talakaskin akinin nastakyawayaw kintalakapastaknikan chu kiʼakstukan nalaksakaw tuku natlawayaw. ¿Tuku xlakata? Xlakata chatunu chatunu namasta kuenta tuku tlawa (Ro 14:12).
Ni kililakpuwanatkan pi tlan tuku nalaksakaw kaj xlakata akglhuwata kata la tamununitawa. Xlakata tlan wi tuku nalaksakaw talakaskin nalipawanaw Jehová, xTachuwin, chu xkachikin (Jos 1:7, 8; Pr 3:5, 6; Mt 24:45).
AKXNI AKXILHNITATA NAWAN VIDEO «XAʼAKGSTITUM KAKGALHITIT MINTALAKAPASTAKNIKAN», KAKGALHTI UMAKGOLH TAKGALHSKININ:
¿Tuku xlilaksakat xwanit Emma?
¿Tuku xlakata ni akinin nalaksakaw tuku amakgapitsin xlilaksakatkan?
¿Tuku tastakyaw maxkikgolh akgtum tamakgaxtokgat Emma?
¿Niku tekgsli Emma tamakgtay nema xmaklakaskin?