KILATAMATKAN LA KSTALANINANIN CRISTO
¿Tuku katsiniyaw xlakata xlatamat Samuel?
Samuel ni makgatsankgananilh Jehová kxlatamat. Akxni aktsujku xwanit laksakli nichuna nalikatsi la xkamanan Elí, Hofní chu Finehás, tiku lixkajnit xlikatsikgo (1Sa 2:22-26). Samuel chuntiya stakli chu Jehová ankgalhin xmakgtaya (1Sa 3:19). Chu, akxni kgololh, chuntiya kgalhakgaxmatli Jehová maski xkamanan nichuna tlawakgolh (1Sa 8:1-5).
¿Tuku kinkamasiyaniyan xliʼakxilhtit Samuel? Lakkamanan tlan liwana nakatsikgo pi Jehová akgatekgsa putum tuku tuwa titaxtukgo chu katsi tuku makgkatsikgo. Xla nakamakgtaya xlakata ni napekuankgo (Is 41:10, 13). Natlatni tiku xkamanankan nialhtu skujnimakgolh Jehová tlan nakamamakgkatsini akxni naʼakxilhkgo pi Samuel ni kamafuerzajlinilh xkamanan tiku laklankata xwankgonit xlakata nastalanikgo xtastakyaw Dios. Samuel makgxtakgnilh Jehová tuku xtitaxtuma, ni makgxtakgli Dios chu chuntiya makgapaxuwalh xTlat xalak akgapun. Max xatlan xliʼakxilhtitkan xanatlatni natlawa pi xkamanankan nalakgtaspitparakgo Jehová.
AKXNI AKXILHNITATA NAWAN VIDEO KASTALANIW XLIʼAKXILHTITKAN: SAMUEL, KAKGALHTI UMAKGOLH TAKGALHSKININ:
¿La limasiyalh Samuel pi ni xpekuan akxni aktsujku xwanit?
¿La limasiyalh Danny pi ni xpekuan?
¿Tuku tlan liʼakxilhtit wililh Samuel akxni xlina kata?
Jehová kamakgtaya tiku chuntiya tlawamakgolh tuku tlan
¿Tuku lu tlan liʼakxilhtit wilikgolh xnatlatni Danny?