¿Tuku xlakata kilitaktujutkan?

Josías lu xmakgapaxuwaputun Jehová (2Re 22:1-5).

Taktujulh chu litayalh pi kachikin xtlawakgonit tuku nitlan (2Re 22:13; w00-S 15/9 29, 30).

Jehová sikulunatlawalh Josías xlakata taktujulh (2Re 22:18-20; w00-S 15/9 30 párr. 2).

Xlakata Jehová nakinkasikulunatlawayan, kilitaktujutkan akxni naputsayaw xtapulalit, chu nalitayayaw tuku nitlan tlawayaw chu natlawayaw talakgpalit (Snt 4:6).