¿Litamakgtayapat Biblia kxaʼaudio?

¿Tuku Biblia kxaʼaudio? Akgtum grabación xla Biblia Traducción del Nuevo Mundo, nema tsinu tsinu grabarlimaka chu maxtutilhamaka ktipalhuwa tachuwin. Pulaktum tuku tlawa pi lu lilakgatit natakgaxmata wa pi kaputsakanit tanu tanu tiku nagrabarlikgo chatunu chatunu tiku chuwinankgo kBiblia. Nachuna, likgalhtawakgakanit chuna la natakgaxmata tuku xmakgkatsimakgo tiku kalichuwinankan kBiblia.

¿Tuku tlan kitaxtu akxni kgaxmatkan Biblia kxaʼaudio? Lhuwa tiku kgaxmatkgo Biblia kxaʼaudio kamakgtayanit namakgkatsikgo tuku xmakgkatsimakgo tiku kalichuwinankan kBiblia. Akxni kgaxmatkgo chatunu chatunu tiku chuwinankgo, makgkatsikgo pi anta wilakgo chu tlakg liwana akgatekgskgo tuku likgalhtawakgamaka (Pr 4:5). Chu makgapitsi lichuwinankgo pi umakgolh grabaciones tlan kamamakgkatsini akxni lakgaputsamakgo (Sl 94:19).

Komo nakgaxpata Biblia kxaʼaudio lu namakgtayayan (2Cr 34:19-21). ¿Grabarlikanit Biblia kʼakgtum tachuwin nema wix akgatekgsa? ¿Tlan xlakkaxwili nakgaxpata xlakata nalitamakgtayaya?

AKXNI AKXILHNITATA NAWAN VIDEO BIBLIA KXAʼAUDIO: LA GRABARLIKAN (KAJ AKTSU), KAKGALHTI UMA TAKGALHSKININ:

¿Tuku lu kaks malakawaniyan chuna la grabarlikanit Biblia kxaʼaudio?