Kokkinakis tiku kilalh ktribunal xalak Grecia: Droit réservé
Dibujos xala pakxtu: Junta de Educación de Virginia Occidental talatlawa Barnette, Kokkinakis tiku kilalh ktribunal xalak Grecia. Dibujos xala pakgalhu: Cha chu amakgapitsin tiku kilakgolh ktribunal xalak Corea del Sur, chu Entidad religiosa local de Taganrog chu amakgapitsin tiku kilakgolh ktribunal xalak Rusia.
KILATAMATKAN LA KSTALANINANIN CRISTO
Maklakaskinaw limapakgsin xlakata nakgalhmakgtayayaw xatlan tamakatsinin
Akxni xtalamakgasitsinkan xkachikin Dios xmalakgachokgoputunkgo chuna la xkaxtlawamaka templo, tiku kskujmakgo anta limasiyakgolh pi mapakgsina xkamaxkinit talakaskin natlawakgo uma taskujut (Esd 5:11-16). Xtachuna la uma, kstalaninanin Cristo xala uku maklakaskinkgo limapakgsin xlakata nakgalhmakgtayakgo xatlan tamakatsinin (Flp 1:7). Xlakata chuna natlawakgo, kkata 1936 lakkaxwilika Departamento de Asuntos Legales anta niku pulalinkan taskujut xla xtatayananin Jehová. La uku, uma departamento liskuja nakgalhmakgtaya taskujut nema tlawayaw kxlikalanka katiyatni. ¿La tlawakgo chu la litamakgtayayaw?
AKXNI AKXILHNITATA NAWAN VIDEO KALAKGAPASTI DEPARTAMENTO DE ASUNTOS LEGALES NEMA WI NIKU PULALINKAN KINTASKUJUTKAN, KAKGALHTI UMAKGOLH TAKGALHSKININ:
¿Tuku tuwa titaxtukgonit xtatayananin Jehová kxlakatinkan mapakgsinanin?
¿Tuku kamaxkikanit talakaskin natlawakgo? Kalichuwinanti akgtum li’akxilhtit.
¿Tuku tlan natlawayaw akinin xlakata nakgalhmakgtayayaw xatlan tamakatsinin?
¿La tlan natekgsaw kkisitiojkan niku lichuwinan la xkachikin Dios maklakaskinit limapakgsin xlakata nakgalhmakgtaya xatlan tamakatsinin chu lista niku min xtukuwanikan natalan tiku katamaknukanit kpulachin?