¿Tuku lakkaxwilinita nalakgchipina kkata 2024?

Tuku lakkaxwiliyaw nalakgchanaw kkintakanajlakan wa tuku lu liskujaw natlawayaw xlakata tlakg naskujnaniyaw Jehová chu namakgapaxuwayaw. Lu tlan kitaxtu akxni chuna tlawayaw xlakata uma matliwakglha kintakanajlakan (1Ti 4:15). ¿Tuku xlakata talakaskin ni xmakgasni nalilakpuwanaw tuku lakkaxwilinitaw nalakgchanaw? Xlakata talakgpalitilha tuku titaxtuyaw. Max nialhla katilakgchaw tuku xlakpuwanitaw. O max makgantaxtinitawa tuku xlakgchamputunaw chu tlan nalakkaxwiliyaw nalakgchanaw atanu.

Tlan nalilakpuwanaw tuku lakkaxwilinitaw nalakgchanaw akxni nina chan papaʼ septiembre, akxni tsuku xasasti kata chuna la tsukuparayaw skujniyaw Dios. ¿Lilakpuwanitantit nalikgalhchuwinanatit uma akxni kakninaniyatit Dios kfamilia? Max tlan nalichuwinanatit tuku lakgchipimputunatit minchatunukan o tuku akxtum tlawaputunatit.

Kaʼakxilhti tuku min krecuadro chu kalilakpuwanti tuku lakgchimpiputuna chu tuku natlawaya xlakata namakgantaxtiya.