KILATAMATKAN LA KSTALANINANIN CRISTO

Kakamakgtaya tiku ni makgtapakgsikgo kʼakgtum takanajla nalakgapaskgo Dios

¿Minit kilhtamaku ni litachuwinanita Dios chatum lataman tiku ni kgalhi akgtum takanajla kaj xlakata lakpuwanti pi ni x’ama kgaxmatniyan? Komo chuna titaxtunita, kalakapastakti pi lhuwa natalan tiku la uku xtatayananin Jehová, xapulana ni xkgalhikgo akgtum takanajla o asta ni xkanajlakgo pi anan chatum Dios. Makgapitsi kaj xmaklakaskinkgo pi wi tiku xkamakgtayalh nalakputsananikgo tuku limasiya pi Dios xlikana lama (Ro 1:20; 10:14).

AKXNI AKXILHNITATA NAWAN VIDEO KALAKAPASTAKTI: TIKU NI KGALHIKGO TAKANAJLA TLAN NAKGALHIKGO... LATAMANIN TIKU NI MAKGTAPAKGSIKGO KʼAKGTUM TAKANAJLA, KAKGALHTI UMA TAKGALHSKININ:

¿La makgpuwantiniyan xliʼakxilhtit Tommaso xlakata nakalitachuwinana Dios tiku ni kgalhikgo akgtum takanajla?

Mintakgalhtin

¿La natlawaya?

Komo natekgsa tiku ni kanajlani Dios, tlan kalikatsini, ni xatasitsi katachuwinanti chu kaks kakgaxpatti tuku lakpuwan chu la makgkatsi (2Ti 2:24). Kalitachuwinanti tuku lakgati. ¿Masta talakaskin nalitachuwinana tuku amakgapitsin kamakanajlinit pi xlikana anan chatum Malakatsukina? Kamaklakaskinti likgalhtawakga chu videos nema katlawakanit xlakata nakamakgtayakan umakgolh latamanin. Folletos ¿Es la vida obra de un Creador? chu El origen de la vida. Cinco cuestiones dignas de análisis na makgtanumakgo kkit de enseñanza xlakata lakapala nakatekgsa akxni namaklakaskina.

Xapulana max napekuana akxni natachuwinamputuna tiku ni kanajlani Dios. Komo chuna akgspulayan, kaskini chatum tala tiku makgasa lichuwinan Dios pi kamakgtayan. Chu ni kapatsankga: Jehová tlan namakgtayayan nalakgchipina xnakujkan tiku tlan namakgamakglhtinankgo xaxlikana, asta maski la uku nina kanajlakgo pi anan chatum Dios (Hch 13:48).