KILATAMATKAN LA KSTALANINANIN CRISTO
Natlatni, kakamasiyanitit minkamanankan namakgapaxuwakgo Jehová
Jehová lu xlakaskinka kaʼakxilha lakgkgawasan chu laktsuman. Xla akxilha la stakma xtakanajlakan chu la tayanikgo tuku tuwa titaxtukgo (1Sa 2:26; Lu 2:52). Asta laktsu kamanan tlan namakgapaxuwakgo Jehová komo tlan likatsikgo (Pr 27:11). Jehová limaklakaskin xkachikin xlakata nakamaxki natlatni tuku nakalimakgtayakgo xkamanankan napaxkikgo chu nakgalhakgaxmatkgo Jehová.
AKXNI AKXILHNITATA NAWAN VIDEO KAMANAN TIKU NI TAXLAJWANIKGO MAKGAPAXUWAKGO JEHOVÁ, KAKGALHTI UMAKGOLH TAKGALHSKININ:
¿La kamaxkinit Jehová xtastakyaw lakgkgawasan chu laktsuman chu la kamakgtayanit chuna la titaxtukgonit kata?
¿Tuku tamakgtay kgalhikgo natlatni la uku?
Kgawasa o tsumat, xliputum tamakgtay nema maxkinitan Jehová, ¿tuku tlakg makgtayanitan chu tuku xlakata?