Tuku tlan nalikgalhtawakgayaw
¿Maklakaskimpat Liputsan xla xtatayananin Jehová niku wan tuku wamputun textos xalak Biblia?
Tuku talichuwinan anta namakgtayayan tlakg nalakgapasa xTachuwin Dios. Anta kinkalitachuwinankanan tuku xlama akxni tsokgwilika akgtum texto, tuku xlakata tsokgwilika, tiku kakilhchanima chu tuku wamputun makgapitsi tachuwin nema min anta.
Komo maklakaskina BIBLIOTECA KʼINTERNET™ o aplicación JW Library® xlakata nalikgalhtawakgaya Biblia, akxni likgalhtawakgapat akgtum texto tlan naʼakxilha referencias nema min kLiputsan xla xtatayananin Jehová. Natekgsa umakgolh referencias ksección de estudio nema min kkaxatukawa Biblia nema wi kBIBLIOTECA KʼINTERNET o kʼaplicación JW Library.
Akxni namaklakaskina umakgolh referencias, kaʼakxilhti la lakkaxwilikanit. Artículos nema tlakg xalaksasti, wa tuku pulana tasiyakgo. Chu alistalh wilakgo artículos nema tlakg makgasa taxtukgonit. Kalakapastakti pi makgapitsi referencias makgasata taxtukgonit chu max min tuku talakgpalinit chuna la xʼakgatekgsaw.
Anta kBIBLIOTECA KʼINTERNET, referencias nema min kLiputsan xla xtatayananin Jehová xʼakstu tasiyakgo.
Xlakata tlan naʼakxilha umakgolh referencias kJW Library, talakaskin namaktiya Liputsan xla xtatayananin Jehová chu namasastitilhaya chuna la nataxtutilha. Kajwatiya talakaskin natanuya kkaxatukawa capítulo xalak Biblia, napina ksección de estudio chu napitaniya botón Descargar ahora.