¿Tuku natlawayaw akxni nakinkatlawanikanan tuku nitlan?

Kalikgalhtawakga Génesis 37:​23-28; 39:​17-23 xlakata nakatsiya tuku nitlan tlawanika José.

Kalakputsanani putum tuku lichuwinamaka. ¿Tuku xlakata José patilh putum uma tuku nitlan? (Gén. 37:​3-11; 39:​1, 6-10). ¿La xlilhuwa kilhtamaku patilh tuku nitlan tlawanika? (Gén. 37:2; 41:46). Putuminika uma kilhtamaku, ¿tuku tlawalh Jehová xlakata xmakgtayalh José, chu tuku ni tlawalh? (Gén. 39:​2, 21; w23.01 17 párr. 13).

Kalakputsanani atanu tuku lalh. Biblia ni lichuwinan komo José wa pi ni xlikana tuku xlimawakama xpuskat Potifar. Komo nitu wa, ¿tuku xlakata? (Katamalakxtupi Proverbios 20:2 chu Hechos 21:37). ¿Tuku xlakata Biblia ni ankgalhin wan putuminika tuku lalh akxni lichuwinan tuku titaxtulh chatum lataman? (Katamalakxtupi Juan 21:25). ¿Tuku tayat makgtayalh José xlakata xtayanilh putum tuku nitlan tlawanika? (Miq. 7:7; Luc. 14:11; Sant. 1:​2, 3).

Kalilakpuwanti tuku katsini chu kalilatapa. Kalilakpuwanti umakgolh takgalhskinin:

• «¿Tuku nitlan max nakintlawanikan xlakata kstalanina Jesús klitaxtu?» (Luc. 21:​12, 16, 17; Heb. 10:​33, 34).

• «¿Tuku nakimakgtaya naktayani tuku nitlan nakintlawanikan?» (Sal. 62:​7, 8; 105:​17-19; w19.07 2-7).