Kalitamakgtayaw dibujos

Kilikgalhtawakgakan limin lhuwa dibujos nema kinkamakgtayayan nalakapastakaw tuku tlakg xlakaskinka kinkamasiyanimakan. ¿La tlan liwana nalitamakgtayayaw umakgolh dibujos?

• Akxni nina likgalhtawakgaya akgtum artículo, pulana kaʼakxilhti xadibujos. Kalilakpuwanti uma, akxni akxilhaw lu kgama liwat tsukuyaw waputunaw. Xtachuna la uma, komo akxni nalikgalhtawakgaya akgtum artículo pulana naʼakxilha xadibujos, max tlakg nakatsiputuna tuku lichuwinan chu tlakg nalikgalhtawakgaputuna. Wa xlakata kalilakpuwanti: «¿Tuku kakxilhma?» (Amós 7:​7, 8).

• Akxni likgalhtawakgapat nawan artículo, kalilakpuwanti tuku xlakata wilikanit uma dibujo. Komo kxpakgalhu uma dibujo wi tuku tatsokgnit, kalikgalhtawakga. Kalilakpuwanti la tatalakxtumi uma dibujo tuku lichuwinama putuminika artículo chu tuku masiyaniyan.

• Akxni nalikgalhtawakgakgoya artículo, kaʼakxilhpara dibujos xlakata nalakapastaka tuku tlakg xlakaskinka katsini. Alistalh katalakgatsi, kalakapastakti dibujos chu kalilakpuwanti tuku masiyanin.

• Kalitsakgsa tuku lichuwinaw. Kaʼakxilhti dibujos nema limin uma revista chu kalilakpuwanti tuku masiyanin.