Kalichuwinanti tuku katsini

Lu litamakgtayayaw akxni likgalhtawakgayaw Biblia, pero tlakg litamakgtayayaw akxni kalitachuwinanaw amakgapitsin tuku katsininitaw. Proverbios 11:25 wan: «Tiku kamakgtaya amakgapitsin, nachuna namakgtayakan».

Komo nakalitachuwinanaw amakgapitsin tuku katsininitaw, tlakg liwana na’akgatekgsaw tuku likgalhtawakgaw chu tlakg ni tuwa katilakapastakwi. Nachuna, lu nalipaxuwayaw xlakata tuku nakalitachuwinanaw na nakamatliwakglhni xtakanajlakan (Hech. 20:35).

Katlawa uma: Wi tiku kalitachuwinanti tuku katsini. Max chatum tiku xalak mifamilia, chatum tala xalak congregación, tiku akxtum taskuja o tapina k’escuela, tiku lakatsu tawila o chatum tiku nalitachuwinana Dios. Ni laktuwa tachuwin kamaklakaskinti akxni natachuwinana.

Kalakapastakti: Kalitachuwinanaw amakgapitsin tuku katsininitaw xlakata nakama’akgpuwantiniyaw, ni kaj xlakata kaks nakamalakawaniyaw (1 Cor. 8:1).