Nikgolh akgchaxan millón latamanin xlakata COVID: ¿Tuku kinkawaniyan Biblia?

Organización Mundial de la Salud (OMS), makatsininalh pi asta 23 xla mayo kata 2022, xnikgonit 6.27 millón latamanin xlakata COVID-19. Pero kʼakgtum tamakatsin nema taxtulh 5 xla mayo kata 2022, OMS makatsininalh pi max tlakg lhuwa tiku nikgolh. Makatsinilh pi kkata 2020 chu 2021, «kpandemia xla COVID-19 [...] max nikgolh 14.9 millón latamanin». ¿Xlichuwinanit Biblia xlakata uma tuku lu nitlan lalh?

Biblia lichuwinalh pi xʼama anan lhuwa tajatat

•  Jesús lichuwinalh pi kilhtamaku nema Biblia wani «kxaʼawatiya kilhtamaku» xʼama anan lhuwa «laklixkajni tajatat» (2 Timoteo 3:1; Lucas 21:11).

Tuku lichuwinalh Jesús kgantaxtuma la uku. Xlakata tlakg nakatsiya, kalikgalhtawakga artículo: «¿Cuál es la señal de “los últimos días” o “los tiempos finales”?».

Biblia tlan kinkamamakgkatsiniyan

•  «Dios tiku tlan kamamakgkatsini latamanin […] tlan kinkamamakgkatsiniyan xliputum taʼakglhuwit nema titaxtuyaw» (2 Corintios 1:3, 4).

Biblia kamakgtayanit lhuwa latamanin tiku nikgonit tiku xkapaxkikgo. Kalikgalhtawakga artículos: «Cómo sobrellevar el duelo: Sugerencias practicas» chu «La mejor ayuda para quienes están de duelo».

Biblia wan la nalakkaxla uma tuku nitlan

•  «Kamilh minTamapakgsin. Kalalh mintalakaskin chuna la kʼakgapun nachuna kalalh kkatiyatni» (Mateo 6:10).

Nialh makgas «xTamapakgsin Dios» natlawa pi kakgantaxtulh umakgolh tachuwin: «Ni chatum lataman nawan: “Ktatatla”» (Marcos 1:14, 15; Isaías 33:24). Xlakata tlakg nakatsiya xlakata uma Tamapakgsin chu tuku natlawa, kaʼakxilhti video ¿Tuku xTamapakgsin Dios?

Kkawaniyan pi kalikgalhtawakga Biblia. Chuna wix chu mifamilia nakatsiyatit lu xatlan tastakyaw chu tamalaknun nema lu nakamakgtayayan.