Ta’akglhuwit xlakata tumin | ¿Tuku natlawa xTamapakgsin Dios?

Lhuwa latamanin kxlikalanka katiyatni, tuwa makgkatsikgo nakgalhikgo tuku maklakaskinkgo akgatunu papaʼ, chu uma tlawa pi tlakg tuwa nawan.

• K’akgtum tamakatsin nema aku tlawaka,a kxlikalanka kkatiyatni «maktujuka chuna la tlajakan akgatunu papaʼ». Chu wan pi komo chuntiya natlawakan «nataliwaka talaksakpaxkit» chu katuwa natawila «xlatamatkan lhuwa skujnin chu xfamiliajkan».

¿Wi tuku tlan natlawakgo mapakgsinanin xlakata tumin? o ¿tlan namalakgsputukgo putum taʼakglhuwit xlakata tumin?

Biblia lichuwinan pi wi akgtum tamapakgsin nema tlan nalakkaxtlawa putum ta’akglhuwit xlakata tumin, nachuna talaksakpaxkit. Wan pi «Dios xalak akgapun nawili akgtum tamapakgsin» chu kajwatiya uma tamapakgsin namapakgsinan kKatiyatni (Daniel 2:44). K’uma tamapakgsin ni katiʼanalh tiku na’akgxtakgmakgankan (Salmo 9:18). Xtamapakgsin Dios natlawa pi putum tiku natapakgsinikgo nakgalhikgo putum tuku maklakaskinkgo xlakata napaxuwakgo. Putum nakamaxkikan tuku kalakgchan xlakata xtaskujutkan (Isaías 65:21, 22).