Xtatayananin Jehová, ¿ni katalatlawakgo amakgapitsi takanajla?

Xtatayananin Jehová makgantaxtiyaw uma xtastakyaw Biblia: «Kamaxkikgotit nkakni xlipaks nchixkuwin» (1 Pedro 2:17). Chuna, putum kamaxkiyaw kakni, maski tanu tanu takanajla kgalhikgo. Maski kmakgapitsi kachikinin wilakgolh lhuwa xtatayananin Jehová, ni kskinaw pi mapakgsinanin nakaputsastalanikgo atanu takanajla. Na ni kwanaw pi katatlawalh limapakgsin xlakata amakgapitsin natlawakgo tuku akinin kkanajlayaw. Kpaxtikatsiniyaw pi tlan kinkalikatsinikanan chu nachuna kliskujaw xlakata tlan nakkalikatsiniyaw amakgapitsin (Mateo 7:12).