¿Tuku xlakata kinkamalakatsukikan?

Biblia kinkamaxkiyan xatakgalhtin

Latamanin tanu tanu la tlawakgo uma takgalhskinin. Max wi tiku nawan: «¿Tuku xlakata kimalamanima Dios?» o «¿Tlan naklipaxuwa kilatamat?». Biblia wan pi kinkamalakatsukikan xlakata xʼamigo Dios nalitaxtuyaw. Xlakata liwana naʼakgatekgsaw uma, kaʼakxilhwi makgapitsi tuku lichuwinan Biblia.

• Dios wa kiMalakatsukinakan. Biblia wan: «Wa [Dios] kinkatlawanitan chu akinin tapakgsiniyaw» (Salmo 100:3; Apocalipsis 4:11).

• Malakatsukina wi tuku xpalakata limalakatsukilh putum tuku anan chu wi tuku lakpuwanit natlawa xpalakata latamanin (Isaías 45:18).

• Dios kinkamalakatsukin xlakata xmaklakaskiw xtapulalit chu anta makgtanuma pi nalipaxuwaputunaw kilatamatkan (Mateo 5:3). Xla lakaskin pi katekgswi uma tuku maklakaskinaw (Salmo 145:16).

• Tekgsaw tuku maklakaskinaw akxni lu liskujaw nalakgapasaw Dios chu xʼamigos nalitaxtuyaw, chu putum akinin tlan chuna natlawayaw. Wa xlakata Biblia kinkawaniyan: «Katalakatsuwinitit Dios, chu xla nakatalakatsuwiniyan» (Santiago 4:8; 2:23).

• Xlakata xʼamigo Dios nawanaw, talakaskin namakgantaxtiyaw tuku xla kinkaskiniyan. Biblia liwana wan tuku lakaskin Dios o tuku xlakata kinkalimalakatsukin: «Wa uma tuku limalakatsukika chixku: Xlakata napekuani chu napaxki Dios chu nakgalhakgaxmata xlimapakgsin» (Eclesiastés 12:13, versión de Ángel Sánchez, nota; lenguaje actualizado).

• Kilhtamaku nema aku namin, akxni Dios masputunita nawan putum tapatin chu kamaxkinita nawan latamat nema nikxni sputa putum xʼamigos nema nikxni makgxtakgkgo, kgantaxtunita nawan putum tuku Dios xlakpuwanit akxni kamalakatsukilh latamanin (Salmo 37:10, 11).