Nota

b Biblia kinkawaniyan pi ni kajwatiya talakaskin lu tlan natawila kintalakapastaknikan. Kawiliw akgtum liʼakxilhtit, Pablo wa: «Maski kintalakapastakni ni atuya kimapuwaniy pala ktlawanit talakgalhin wantu naklimaxanan, pus xlikana pi nilay kmalulokga pi nitu ktlawanit ntalakgalhin, xampi kaj xman wa Dios kinpuchina stalanka katsiy pala kkgalhiy talakgalhin» (1 Corintios 4:4, TXS, 1999). Wa xlakata, tuku tlakg xlakaskinka ni nalakpuwanaw pi nitu tlawanitaw tuku nitlan. Makgapitsi latamanin kaputsastalanikgo kstalaninanin Cristo, la xapulana xlikatsi Pablo, chu nitu limakgkatsikgo kxtalakapastaknikan, xlakata lakpuwankgo pi tlawamakgolh xtalakaskin Dios. Wa xlakata kintalakapastaknikan tlan xlitawilat kxlakatin Jehová (Hechos 23:1; 2 Timoteo 1:3).