Nota

f TUKU TASIYA KDIBUJOS: Chatiy natalan laktsuman tlawanikgo oración Jehová akxni nina malakgatsamakgo solicitud xlakata amputunkgo kʼEscuela xla Tiku lichuwinankgo xTamapakgsin Dios. Alistalh chatum wanikan pi naʼan kʼuma escuela, pero achatum ni malakgachanikan invitación. Tala tiku ni malakgachanikan invitación ni lisitsi, wata tlawani oración Jehová chu skini kamakgtayalh natekgsa atanu la tlakg tlan naskujnani. Wa xlakata malakgacha akgtum tatsokgni ksucursal niku wan pi amputun makgtayanan alakatanu niku tlakg talakaskin tamakgtay.