¿Tuku kilhchanima lanka tapatin?

Tuku wan Biblia

Lhuwa tapatin nema lichuwinan Biblia wa kilhchanima kilhtamaku akxni na’anan lhuwa tuku nitlan chuna la nikxni ananit. Chuna la talichuwinanit kBiblia, uma natsuku akxni sputmaja nawan xaʼawatiya kilhtamaku o xlikgalhsputat kilhtamaku (2 Timoteo 3:1; Daniel 12:4). Marcos 13:19 wan: «Ama kilhtamaku naʼanan tapatin chuna la ni makgstum lanit lata akxni Dios kamalakatsukilh latamanin asta uku, chu nikxni chuna katilapa» (Daniel 12:1; Mateo 24:21, 22).

¿Tuku nala akxni lama nawan lhuwa tapatin?

• Namasputukan ni xaxlikana takanajla.Lakapala namasputukan ni xaxlikana takanajla (Apocalipsis 17:​1, 5; 18:​9, 10, 21). Akxni mapakgsinanin, nema na kalilakgapaskan Naciones Unidas, namasputukgo ni xaxlikana takanajla, tlawamakgolh nawan xtalakaskin Dios (Apocalipsis 17:​3, 15-​18).a

• Natalatlawakan xaxlikana takanajla. Anta k’Ezequiel talichuwinan «Gog xalak xtiyat Magog» nema kilhchanima lhuwa kachikinin nema nakamasputuputun tiku makgtapakgsikgo xaxlikana takanajla. Pero Dios ni katimastalh talakaskin namasputukan xkachikin (Ezequiel 38:​1, 2, 9-​12, 18-​23).

• Nakalakputsananikan tiku lamakgolh kKatiyatni. Jesús nakalakputsanani latamanin «chu nakamapapitsi latamanin chuna la xkuentajtlawana borregos kamapapitsi borregos chu cabras» (Mateo 25:31-​33). Tuku nakalilakputsanani wa la kalikatsinikgolh «xnatalan» Cristo, tiku na namapakgsinankgo k’akgapun (Mateo 25:34-​46).

• Na kalinkan k’akgapun tiku natamapakgsinankgo Jesús. Putum tiku kalaksakkanit xlakata natamapakgsinankgo Cristo nakalinkan k’akgapun (Mateo 24:31; 1 Corintios 15:50-​53; 1 Tesalonicenses 4:​15-​17).

• Armagedón. Anta kBiblia, Armagedón na kilhchanima guerra nema natlawakan «klanka xkilhtamaku Dios, Tiku kgalhi putum litliwakga», chu na limapakuwikan «xkilhtamaku Jehová» (Apocalipsis 16:14, 16; Isaías 13:9; 2 Pedro 3:​12) Cristo nakamasputu tiku cabras nalitaxtukgo (Sofonías 1:​18; 2 Tesalonicenses 1:​6-​10) Nachuna, nakamasputukan putum mapakgsinanin xalak katiyatni. Anta kBiblia kalilakgapaskan xaluku lapanit nema kgalhi akgtujun akgxakga (Apocalipsis 19:19-​21).

Tuku nala akxni titaxtunita nawan lhuwa tapatin

• Nalakgachinukan Satanás chu xdemonios. Chatum xatliwakga ángel namakan kkapulhman Satanás chu xdemonios (Apocalipsis 20:​1-3). Anta nitu katitlawakgolh, nalitaxtukgo xtachuna la nikgonit. Nachuna, nila tuku katitlawakgolh xlakata xtachuna la komo tanumakgolh nawan kpulachin (Apocalipsis 20:7).

• Cristo natsuku mapakgsinan akgtum mil kata. Ama kilhtamaku, natsuku xTamapakgsin Dios nema nakalimini lhuwa tasikulunalin latamanin (Apocalipsis 5:​9, 10; 20:​4, 6) Anta kKatiyatni, «lhuwa latamanin» tiku lakgtaxtukgonit nawan lhuwa tapatin na’akxilhkgo la natsuku mapakgsinan Cristo akgtum mil kata (Apocalipsis 7:​9, 14; Salmo 37:​9-​11).