Alistalh akxni chatiy kstalaninanin xʼamakgo kʼEmaús, chatum tiku ni xlakgapaskgo kalakgtalakatsuwilh chu kakgalhskilh tuku xlichuwinamakgo. Uma chixku Jesús xwanit pero ni lakgapaskgolh xlakata tanu xtasiya. Lu lipuwankgo wankgolh pi wa xlichuwinamakgo xMakgalhtawakgenakan chu uma chixku kalitachuwinalh putum tuku lichuwinan xTachuwin Dios xlakata Mesías. Xlikana, Jesús putum xmakgantaxtinit tuku xlichuwinankanit xlakata Mesías.a Akxni katsikgolh pi wa Cristo tiku xtachuwinamakgo nialh akxilhkgolh xlakata la uku espíritu xwanit.

Chatiy kstalaninanin taspitparakgolh kJerusalén chu ankgolh kaʼakxilhkgo apóstoles tiku xtalakgchuwatanukgonit. Akxni xlichuwinamakgo tuku xlanit, putum tiku xtanumakgolh kaks lakawankgolh akxni katasiyanipa Jesús. Xla kakgalhskilh: «¿Tu wan nilay likanajlayatit minakukan pi kit klama xastakna?». Na kawanipa: «Chuna tatsokgtawilanit kLikgalhtawakga pi kit Cristo, juersa kilinit xwanit, wampi kaj xliʼakgtutu kilhtamaku naklakastakwanan kalinin» (Lucas 24:38, 46).

30. 6 xla siván kata 33 a.x.J. Pentecostés; Dios masta xespíritu santo (siván lakgchan mayo chu junio)

31. 36 a.x.J. Cornelio kstalanina Cristo wan