-
Takgalhskinin 13: ¿Tuku wan Biblia xlakata taskujut?Tuku litsuku xTachuwin Dios
-
-
TAKGALHSKININ 13
¿Tuku wan Biblia xlakata taskujut?
«¿Akxilhnita chatum tiku lu tlan tlawa xtaskujut? Natawila kxlakatin mapakgsinanin; ni kxlakatin kaj katiwa lakchixkuwin natawila.»
(Proverbios 22:29)
«Tiku kgalhanan, nialh kakgalhanalh, wata palha kaskujli, kalitlawalh xmakan xatlan taskujut, xlakata wi tuku tlan nakamaxki tiku maklakaskinkgo.»
«Putum kawayankgolh chu xlikana kakgotnankgolh chu kalipaxuwakgolh putum tuku lu liskujkgonit. Wa uma tuku kinkamaxkinitan Dios.»
(Eclesiastés 3:13)
-
-
Takgalhskinin 14: ¿La tlan liwana namaklakaskinkan tumin?Tuku litsuku xTachuwin Dios
-
-
TAKGALHSKININ 14
¿La tlan liwana namaklakaskinkan tumin?
«Tiku lu paxki tuku nalipaxuwa namakgasputa tuku kgalhi; tiku paxki vino chu aceite ni katitlajalh tumin.»
(Proverbios 21:17)
«Tiku sakwanan kskujni litaxtu tiku masakwanilh.»
(Proverbios 22:7)
«Akxni wi tiku natlawaputun akgtum torre, ¿ni pulana natawila chu naʼakxilha la xlilhuwa nalaktlawa tumin, xlakata naʼakxilha komo naʼakchani xlakata natlawakgo? Komo nichuna, kajwatiya namakilhtsuki pero nila katitlawakgolh, chu putum tiku naʼakxilhkgo natsukukgo likgalhkgamanankgo, chu nawanikgo: “Uma chixku tsukulh chikinan pero nila tlawakgolh”.»
«Akxni putum xwayankgonita, kawanilh kstalaninanin: “Kamastokgtit tuku akgataxtulh, xlakata ni tuku paxkat nawan”.»
-
-
Takgalhskinin 15: ¿La tlan napaxuwayaw?Tuku litsuku xTachuwin Dios
-
-
TAKGALHSKININ 15
¿La tlan napaxuwayaw?
«Tlakg tlan nawaya kakaʼ chu naʼanan tapaxkit, nixawa nawaya tantum xakgon toro, pero anan tasitsi.»
(Proverbios 15:17)
«Akit, Jehová, akit miDios, Wantiku masiyaniyan xlakata tlan nakitaxtuniyan, Wantiku masiyaniyan tiji niku natlawana.»
(Isaías 48:17)
«Xatapaxuwan latamakgo tiku katsikgo pi lakaskinkgo tuku xla Dios, xlakata wa kalakgchan tamapakgsin kʼakgapun.»
«Milipaxkit mintalataman chuna la miʼakstu paxkikana.»
«Chuna la lakaskinatit pi kakalikatsinikgon lakchixkuwin, nachuna kakalikatsinitit wixin.»
«¡Paxuwakgo tiku kgaxmatkgo xtachuwin Dios chu kgalhakgaxmatkgo!»
«Asta maski lhuwa tuku kgalhikan, ni masta latamat.»
«Komo kgalhiyaw tuku nawayaw chu lhakgat, nalipaxuwayaw uma.»
«Tlakg anan tapaxuwan akxni mastakan nixawa akxni makglhtinankan.»
-
-
Takgalhskinin 16: ¿La natayaniyaw taʼakglhuwit chu akxni lakgaputsayaw?Tuku litsuku xTachuwin Dios
-
-
TAKGALHSKININ 16
¿La natayaniyaw taʼakglhuwit chu akxni lakgaputsayaw?
«Kamakamaxki Jehová mintakuka, chu xla namakgtayayan. Nikxni katimastalh talakaskin pi tiku tlan likatsi naxlajwanan.»
(Salmo 55:22)
«Akxni liwana lakkaxwili tuku natlawa tiku skgalala lu tlan kitaxtuni, pero tiku lakapala tlawaputun nitu katikgalhilh.»
(Proverbios 21:5)
«Ni kapekuanti, xlakata akit ktawilan. Ni anu anu kalakapi, xlakata akit miDios. Xlikana akit nakmatliwakglhan. Lu [...] nakmakgtayayan. Chuna, lu xlikana akit naklimatliwakglhan kimpakgastakat xla xaʼakgstitum”.»
(Isaías 41:10)
«Komo wi tiku nalakgaputsa, ¿tlan tlakg namalhmani xlatamat?»
«Nikxni kalilakgaputsatit xlakata tuku nala lichali, xlakata lichali na nakgalhi xtaʼakglhuwit.»
«[Kakatsitit] tuku tlakg xlakaskinka.»
«Nitu kalilakgaputsatit, wata putum kilhtamaku, katlawatit oración chu katasaskintit chu kamastatit paxtikatsinit, kawanitit Dios tuku maklakaskinatit; chu xtakaksni Dios nema nitu xtachuna nakuentajtlawa minakujkan chu mintalakapastaknikan xpalakata Cristo Jesús.»
-
-
Takgalhskinin 17: ¿La tlan lipaxuw natawila familia?Tuku litsuku xTachuwin Dios
-
-
TAKGALHSKININ 17
¿La tlan lipaxuw natawila familia?
LAKCHIXKUWIN/NATLATNI
«Lakchixkuwin xlipaxkitkan xlakpuskatinkan chuna la paxkikgo xmaknikan. Tiku paxki xpuskat, xakstu paxkikan, xlakata niti sitsini xmakni, wata mawi chu kuentajtlawa [...]. Minchatunukan kapaxkitit mimpuskatkan chuna la miʼakstukan kapaxkikanatit.»
«Natlatni, ni kakamakgasitsitit minkamanankan, wata chuntiya kakamakgastaktit kxtastakyaw chu kxtalakapastakni Jehová.»
LAKPUSKATIN
«Xapuskat lu xlimaxkit kakni xchixku.»
«Lakpuskatin, katapakgsinitit minchixkukan, xlakata kiMalanakan chuna tlan akxilha.»
KAMANAN
«Kamanan, kakgalhakgaxpattit minatlatnikan chuna la lakaskin Malana, xlakata chuna xlilat: “Kamaxki kakni mintlat chu mintse”; wa xapulana limapakgsin niku wan la nakitaxtu: “Xlakata tlan nakitaxtuniyan chu makgas kilhtamaku nalatapaya kkatiyatni”.»
«Kamanan, kakgalhakgaxpattit minatlatnikan putum tuku kawanikgoyan, xlakata uma lu makgapaxuwa Malana.»
-