¿Tiku kgalhakgaxmatkgolh Dios akxni milh Munkaklat?

Kxkilhtamaku Noé latamanin xtlawakgo tuku lu nitlan (Génesis 6:5)

Adán chu Eva kgalhikgolh kamanan chu ni makgas kilhtamaku titaxtulh lhuwa latamanin analh kKatiyatni. Alistalh, makgapitsi ángeles tlawakgolh tuku nitlan chuna la Satanás chu ni kgalhakgaxmatkgolh Dios.

Taktakgolh kkatiyatni chu la lakchixkuwin wankgolh xlakata xkatatamakgaxtokgputunkgo lakpuskatin. Kgalhikgolh kamanan tiku nitlan xlikatsikgo chu lu lakgtliwakga xwankgonit nixawa amakgapitsin.

Lhuwa latamanin tsukukgolh tlawakgo tuku nitlan kKatiyatni. Biblia wan pi «lhuwa tuku nitlan xtlawamakgo latamanin kkatiyatni» chu nitlan xwanit putum tuku xlakpuwankgo chu xtlawakgo.

Noé kgalhakgaxmatli Dios chu tlawalh arca (Génesis 6:13,14, 18, 19, 22)

Noé tlan xlikatsi. Jehová wanilh pi xʼama kalimalakgsputu akgtum munkaklat putum latamanin tiku nitlan xlikatsikgo.

Dios wanilh pi xtlawalh akgtum lanka caja nema ni xtsankgalh kchuchut: xʼarca Noé. Xlitamaknut xwanit xfamilia chu animales.

Noé kamakatsinilh latamanin pi xʼama min akgtum munkaklat, pero niti kuenta tlawanilh. Makgapitsi xlilitsiyankgo chu makgapitsi lu sitsikgolh.

Akxni Noé tlawakgolh arca, katamaknulh animales.