¿La tlan nakgaxmatniyaw Dios?

Dios maklakaskin Biblia xlakata nakinkatachuwinanan (2 Timoteo 3:16)

Dios wililh xtalakapastakni anta kBiblia. Xla tlawalh pi makgapitsi lakchixkuwin xtsokgwilikgolh. Anta kBiblia wi lhuwa tuku lu xlakaskinka chu Dios lakaskin nakatsiyaw.

Kajwatiya Dios tiku tlakg katsi. Xla katsi tuku tlakg tlan nakinkakitaxtuniyan. Komo nakgalhakgaxmataw nalaksakaw tuku tlan (Proverbios 1:5).

Dios lakaskin pi putum latamanin nalikgalhtawakgakgo Biblia. Wa xlakata Biblia tatsokgwilinit klhuwa tachuwin.

Komo kgalhakgaxmatputunaw Dios, talakaskin nalikgalhtawakgayaw Biblia chu liwana naʼakgatekgsaw, o namakgachakgxiya.

Klhuwa kachikinin latamanin katsinimakgo xlakata Dios (Mateo 28:19)

Xtatayananin Jehová tlan namakgtayakgoyan xlakata naʼakgatekgsa Biblia.

Xlakan masiyakgo xaxlikana xlakata Dios xlikalanka Katiyatni.

Wix tlan tlakg nakatsiniya xlakata Dios komo nakatatamakxtupiya xtatayananin Jehová. Ni matajinankgo akxni masiyakgo.