Jesús na nilh xpalakata kinatalankan

Jesús nilh xpalakata latamanin nema kgalhikgo talakgalhin (Ro 5:8). Kimputumkan lu paxtikatsiniyaw pi chuna kinkalimasiyanin xtapaxkit. Pero ni kilipatsankgatkan pi na nilh xpalakata kinatalankan, nema na kgalhikgo talakgalhin chuna la akinin. Kaʼakxilhwi pulaktutu la nakapaxkiyaw kinatalankan chuna la kapaxki Jesús. Xapulana, tlan nakatalalinaw tiku tanu xkilhtsukutkan nixawa la akinin (Ro 15:7; 2Co 6:12, 13). Xlipulaktiy, nakuentajtlawayaw xlakata ni nawanaw chu ni natlawayaw tuku max nitlan nakamamakgkatsini amakgapitsin (Ro 14:13-15). Chu xaʼawatiya, tunkun natapatiyaw tiku nitlan nakinkamamakgkatsiniyan (Lu 17:3, 4; 23:34). Komo naliskujaw xlakata natlawayaw chuna la Jesús, Jehová chuntiya nasikulunatlawa congregación xlakata naʼanan takaksni chu ni naʼanan tapapitsit.

AKXNI AKXILHNITATA VIDEO ¡KATIKGALHI TLAKG TLAN TAYAT!, KAKGALHTI UMAKGOLH TAKGALHSKININ:

• 

  ¿Tuku xlakpuwan Miki xapulana xlakata xcongregación?

• 

  ¿Tuku tlawalh pi xlakgpalilh xtapuwan?

• 

  ¿La makgtayalh Miki xliʼakxilhtit Jesús nalakgpali xtapuwan? (Mr 14:38).

• 

  ¿La nakinkamakgtayayan Proverbios 19:11 tlan nakaʼakxilhaw kinatalankan?