LECCIÓN 7

Kalichuwinanti tuku xaxlikana chu kakamakanajli

Lucas 1:3

TUKU NATALICHUWINAN: Kamaklakaskinti referencias nema tlan lipawankan xlakata nakamakgtayaya tiku kgaxmatnimakgon naʼakgatekgskgo chuna la xlilat.

LA NATLAWAYA

Kaputsa chu kamaklakaskinti tuku tlan lipawankan. Kakilhtiya tuku nawana kxTachuwin Dios chu akxni tatlani kalikgalhtawakga. Komo nalichuwinana pulaktum tuku wankgo científicos, akgtum tamakatsin, pulaktum tuku lanit o atanu, alisokg kaputsananti pi tuku nawana xlikana chu wa tuku tlakg xasasti.
Liwana kakamaklakaskinti referencia. Akxni nalichuwinana textos xlitatalakxtumit tuku wan xapulana chu alistalh, na xlitatalakxtumit tuku tlakg xlakaskinka lichuwinan Biblia chu tuku lichuwinan likgalhtawakga nema masta «skujni xatalipaw chu xaskgalala» (Mat. 24:45). Kamaklakaskinti likgalhtawakga nema ni wa tlawanit xkachikin Jehová, pero kuenta katlawa tuku xlakata tsokgka chu tuku xmasiyaputun tiku tsokgli.

Ni kamalakatsali tuku lanit chu la xlilhuwa. Kuenta katlawa xlakata ni nalakgpaliya tachuwin «makgapitsi latamanin» chu nawana «atsinu ni putum latamanin», «min kilhtamaku» ni nawana «ankgalhin», «max» ni nawana «max xlikana».
Kakamalakpuwani tiku kgaxmatnimakgon. Akxni likgalhtawakganitata akgtum texto o tuku wan maktum likgalhtawakga, katlawa akgtum takgalhskinin o kamaklakaskinti akgtum liʼakxilhtit xlakata nakamakgtayaya tiku kgaxmatnimakgon naʼakgatekgskgo tuku lichuwinampat.