«Putum latamanin watiya tachuwin xkgalhikgo»

11:1-4, 6-9

Anta kBabel, Jehová kalakgpalinilh xtachuwinkan latamanin xlakata ni kgalhakgaxmatnankgolh chu chuna talakgatumikgolh. Pero la uku kamamakxtumima lhuwa latamanin xalak lakalhuwa kachikinin chu tanu tanu xtachuwinkan, chu kamasiyanima «akgtum xatlan tachuwin» xlakata «namapakuwikgo Jehová chu akxtum naskujnanikgo» (Sof 3:9; Ap 7:9). Uma «xatlan tachuwin», kilhchanima tuku xaxlikana xlakata Jehová chu tuku lakpuwanit natlawa chuna la wan Biblia.

Xlakata nakatsiniya xasasti tachuwin, ni kajwatiya talakaskin nawiliya kmintalakapastakni makgapitsi tachuwin. Talakaskin nalakgpaliya la lakpuwana. Nachuna akxni katsiniyaw «xatlan tachuwin» xla tuku xaxlikana, kintalakapastaknikan talakgpali (Ro 12:2). Uma talakgpalit ankgalhin xlitatlawat chu uma tlawa pi xkachikin Jehová akxtum natawila (1Co 1:10).