Lanka xtapalh kaliʼakxilhwi la talalinaw Jehová

Xtatayananin Jehová tiku tamakamastaninitaw chu tamununitaw kgalhiyaw akgtum lanka talakgalhaman: lu tlan natalalinaw Jehová, Malana Tiku tlakg xalanka. Dios limaklakaskilh xKgawasa xlakata nalakgtalakatsuwiyaw chu tlan nakgaxmata kioracioneskan (Sl 34:15; Jn 6:44).

¿Tuku natlawayaw xlakata nakuentajtlawayaw la talalinaw Dios? Akgtum liʼakxilhtit, ni katlawaw tuku nitlan tlawakgolh israelitas. Ni lhuwa kilhtamaku titaxtulh lata xmalaknunikgonit Jehová pi ni xʼamakgolh makgxtakgkgo, tlawakgolh akgtum becerro xaʼoro chu kakninanikgolh (Éx 32:7, 8; 1Co 10:7, 11, 14). Kalilakpuwaw umakgolh takgalhskinin: «¿Tuku ktlawa akxni kkgalhi taputsan? ¿Limasiya tuku ktlawa pi lankan xtapalh kliʼakxilha la ktalalin Jehová?». Tliwakga tapaxkit nema kgalhiniyaw kinTlatkan xalak akgapun natlawa pi natsalaniyaw tuku xla ni lakgati (Sl 97:10).

AKXNI AKXILHNITATA VIDEO KAKUENTAJTLAWAW LA TALALINAW JEHOVÁ (COL. 3:5), KAKGALHTI UMAKGOLH TAKGALHSKININ:

• ¿Tuku kilhchanima lhuwa tuku kgalhiputunkan?

• ¿Tuku xlakata xlakaskinkan nalakgmakganaw talakapastakni xlakata lhuwa tuku kgalhiputunkan chu kakakninanikan ídolos?

• ¿La tatalakxtumi akgskgawikan tiku tamakgaxtokgkan chu kakninanikan ídolos?

• ¿Tuku xlakata xlakaskinka pi tiku kgalhi akgtum talakgatay kcongregación ankgalhin namaxki tuku maklakaskin tiku tamakgaxtokga?