KAMATSUKI TAKGALHCHUWIN
TAKGALHTAWAKGA 2
Kachuwinanti chuna la kgalhchuwinana
Tastakyaw xalak Biblia: «Tachuwin nema wankan akxni xlilat, ¡lu tlan!» (Prov. 15:23).
Tuku tlawalh Felipe
1. Kaʼakxilhti VIDEO o kalikgalhtawakga Hechos 8:30, 31. Alistalh kalilakpuwanti umakgolh takgalhskinin:
1. ¿Tuku wa Felipe xlakata tlan xmatsukilh takgalhchuwin?
2. ¿Tuku xlakata tlan la matsukilh takgalhchuwin Felipe chu lu tlan la masiyanilh tuku ni xʼakgatekgsa uma chixku?
¿Tuku kinkamasiyaniyan tuku tlawalh Felipe?
2. Komo natachuwinanaw lataman chuna la lismaninitaw kgalhchuwinanaw, max tlan namakgkatsi chu max nakinkakgaxmatniputunan.
Katlawa chuna la Felipe
3. Kaʼakxilhti tuku tlawama o tuku wi. ¿Tuku masiyaniyan xlakata uma lataman chuna la lakawan chu la tatsuwaji? ¿Limasiya pi kgalhchuwinamputun? Pulaktum tuku tlan natlawaya xlakata tlan natsukuya litakgalhchuwinana tuku wan Biblia wa pi nakgalhskiniya: «¿Xkatsiya pi…?». Komo wi tiku ni kgalhchuwinamputun, ni kamafuerzajlini.
4. Kakgalhkgalhinanti. Ni kalakpuwanti pi tunkun talakaskin nalichuwinana tuku masiya Biblia. Kaj kakgalhchuwinanti chu kakgalhkgalhi asta akxni lataman wi tuku nawan nema namaxkiyan talakaskin tlan nalitachuwinana Biblia. Max asta akxni nalakgtaspitparaya tlan nalitachuwinana Biblia.
5. Kalichuwinantit tuku lilakgaputsama. Max tiku takgalhchuwinampat tanu tuku natsukuyan litakgalhchuwinanan. Maski wix xlakkaxwilinita tuku nalitakgalhchuwinana, kalakgpali chu wa kalitachuwinanti tuku xla lilakgaputsama.
NA KAʼAKXILHTI
Ecl. 3:1, 7; 1 Cor. 9:22; 2 Cor. 2:17; Col. 4:6