KAMATSUKI TAKGALHCHUWIN
TAKGALHTAWAKGA 4
Kataktuju
Tastakyaw xalak Biblia: «Katataktujutit chu amakgapitsin tlakg xlakaskinka kakaʼakxilhtit nixawa wixin» (Filip. 2:3).
Tuku tlawalh Pablo
1. Kaʼakxilhti VIDEO o kalikgalhtawakga Hechos 26:2, 3. Alistalh kalilakpuwanti umakgolh takgalhskinin:
1. ¿La limasiyalh Pablo pi xtaktuju akxni tachuwinalh mapakgsina Agripa?
2. ¿Tuku tlawalh Pablo xlakata ni xʼakstu xtalankilh chu wata wa xmalankilh Jehová chu xmasiyalh tuku wan Tatsokgni? (Kaʼakxilhti Hechos 26:22).
¿Tuku kinkamasiyaniyan tuku tlawalh Pablo?
2. Max latamanin tlakg nakinkakgaxmatniputunkgoyan komo nalimasiyayaw kakni chu nataktujuyaw akxni nakatachuwinanaw.
Katlawa chuna la Pablo
3. Ni katatlanki. Ni katlawa tuku namalakpuwani tiku tachuwinampat pi wix putum katsiya chu xla nitu katsi. Ankgalhin kalimasiyani kakni akxni natachuwinana.
4. Liwana kalimasiya pi tuku lichuwinampat takilhtinit kBiblia. Xtachuwin Dios tlan nalakgchan xnakujkan latamanin. Akxni maklakaskinaw, kamakgtayayaw latamanin xlakata xtakanajlakan natatliwakglhtilha.
5. Ankgalhin tlan kalikatsi. Ni xafuerza kalimasiyaputu pi xaxlikana tuku lichuwinampat. Ni katalatlawaputunaw latamanin. Komo nataktujuya namakgtayayan ni nasitsiya chu nakatsiya akxni miliʼanata nawan (Prov. 17:14; Tito 3:2). Komo ni xatasitsi nakgalhtiya tiku tachuwinampat chu tlan nalikatsiniya, max atanu kilhtamaku natachuwinamputunan.