¿TUKU WAN BIBLIA?
¿Tuku la akxni nikan?
MAKGAPITSI LATAMANIN KANAJLAKGO pi chuntiya lamaw pero kʼalakatanu, atanu lakpuwankgo pi putum sputa akxni nikan. Chu wix, ¿tuku lakpuwana?
TUKU BIBLIA WAN
«Wantiku nikgonit [...] nialh tuku katsikgo» (Eclesiastés 9:5). Wa xlakata akxni niyaw, nialh kgalhiyaw latamat.
¿TUKU ATANU WAN BIBLIA?
Wan pi xapulana chixku, Adán, taspitpa kpokgxni akxni nilh (Génesis 2:7; 3:19). Wa xlakata putum tiku niy pokgxni litaxtu (Eclesiastés 3:19, 20).
Akxni chatum lataman niy, Dios tapati xtalakgalhin (Romanos 6:7). Wa xlakata, ni chuntiyaku malakgaxokge xtalakgalhinkan akxni nikgo.
¿Tlan nalatamaparakgo tiku nikgonita?
¿TUKU XWANTI?
Tlan
Ni
Max
TUKU BIBLIA WAN
“Naʼanan talakastakwanat” (Hechos 24:15).
¿TUKU ATANU WAN BIBLIA?
Biblia tamalakxtumi akxni nikan la akxni lhtatakan (Juan 11:11-14). Dios tlan “kamalakastakwani” tiku nikgonita chuna la akinin tlan malakastakwaniyaw tiku lhtatama (Job 14:13-15).
Biblia lichuwinan akglhuwa talakastakwanat nema tlawa pi nakanajlayaw pi tiku nikgonita nalakastakwanamparakgo (1 Reyes 17:17-24; Lucas 7:11-17; Juan 11:39-44).