14 Na Jehova i belhat nogut tru long Moses, na em i tok: “Na olsem wanem long brata bilong yu, Aron,+ em man Livai? Mi save olsem em i save gut long toktok. Na em i kam nau bilong bungim yu. Taim em i lukim yu, em bai amamas tru.+ 15 Na yu mas toktok wantaim em na tokim em long olgeta tok mi mekim.+ Na bai mi stap wantaim yutupela taim yutupela i toktok,+ na bai mi skulim yutupela long wanem samting yutupela i mas mekim. 16 Em bai kamapim tok bilong yu long ol manmeri. Na em bai stap mausman bilong yu. Na long ai bilong em, yu bai stap olsem God.*+

30 Na Aron i tokim ol long olgeta tok em Jehova i bin tokim Moses, na em i wokim ol mirakel+ long ai bilong ol manmeri.