14 Taim ol manmeri i harim tok bilong ol dispela hetman, ol i stat long singaut na krai long nait olgeta.+ 2 Na ol i toktok planti long Moses na Aron.+ Olgeta manmeri i kros long tupela na tok olsem: “I gutpela sapos mipela i bin dai long Isip o long dispela ples nating! 3 Wai na Jehova i laik kisim mipela i go long dispela kantri?+ Sapos mipela i go, bai ol i kilim mipela i dai. Na ol bai kisim ol meri pikinini bilong mipela.+ Mobeta yumi go bek long Isip.”+ 4 Na ol i toktok namel long ol yet olsem: “Yumi makim wanpela hetman na yumi go bek long Isip!”+