24 Orait Josua na olgeta manmeri bilong Israel i kisim Akan,+ pikinini man bilong Sera, na ol silva, na dispela naispela klos, na dispela gol ba.+ Na ol i kisim tu ol pikinini man, ol pikinini meri, ol bulmakau, ol donki, ol sipsip, ol meme, na haus sel bilong em wantaim olgeta samting bilong em na ol i bringim ol i go long Veli* Bilong Akor.+

26 Na ol i hipim planti ston antap long bodi bilong Akan na dispela hip ston i stap yet i kam inap long nau. Ol i mekim olsem na belhat bilong Jehova i pinis.+ Olsem na ol i kolim dispela ples Veli Bilong Akor* i kam inap long nau.

29 Na Josua i hangamapim king bilong Ai long wanpela pos* na i larim bodi bilong em i stap i go inap long apinun tru. Na taim san i laik go daun, Josua i tokim ol long rausim bodi bilong em long pos.+ Na ol i tromoi bodi long fran bilong banis bilong taun na ol i hipim planti ston antap long en. Dispela hip ston i stap yet i kam inap long nau.

23 So ol i kisim ol dispela 5-pela king long keiv na bringim ol i go long Josua. Em king bilong Jerusalem, king bilong Hebron, king bilong Jarmut, king bilong Lakis, na king bilong Eklon.+

27 Taim san i go daun, Josua i tokim ol long rausim bodi bilong ol dispela king long pos+ na tromoi ol i go insait long dispela keiv ol yet i bin hait long en. Na ol i pasim maus bilong dispela keiv long ol bikpela ston. Na ol dispela ston i stap yet i kam inap long nau.