-
1 King 9:20-22Nupela Taim Trenslesen Bilong Ol Skripsa Holi
-
-
20 I gat hap lain bilong ol Amor, Hit, Peris, Hivi, na Jebus,+ em ol i no bilong lain Israel,+ 21 ol tumbuna pikinini bilong ol dispela lain husat i stap yet—em ol manmeri ol Israel i no bin kilim ol i dai na pinisim ol olgeta—Solomon i kisim ol na mekim ol i kamap ol wokboi nating bilong em na ol i stap olsem i kam inap long nau.+ 22 Tasol Solomon i no mekim ol Israel i kamap wokboi nating.+ Em i mekim ol i kamap ol soldia, ol wokman, ol hetman, ol ofisa bilong gavman, na ol kepten bilong ol man i sindaun long karis na ol man i raun long hos.
-
-
2 Stori 2:17, 18Nupela Taim Trenslesen Bilong Ol Skripsa Holi
-
-
17 Na Solomon i kaunim olgeta man bilong narapela ples em ol i kam stap long Israel,+ olsem bipo papa bilong em Devit+ i bin mekim, na namba bilong ol dispela man em inap 153,600. 18 Na em i makim 70,000 man bilong mekim wok bilong karim ol samting, na 80,000 man bilong katim ston+ long ol maunten, na em i makim 3,600 man bilong bosim ol man na givim wok long ol.+
-
-
2 Stori 8:7-9Nupela Taim Trenslesen Bilong Ol Skripsa Holi
-
-
7 I gat hap lain bilong ol Hit, Amor, Peris, Hivi, na Jebus,+ em ol i no bilong lain Israel,+ 8 ol tumbuna pikinini bilong ol dispela lain husat i stap yet—em ol manmeri ol Israel i no bin pinisim ol olgeta+—Solomon i kisim ol na mekim ol i kamap ol wokboi nating bilong em na ol i stap olsem i kam inap long nau.+ 9 Tasol Solomon i no mekim ol Israel i kamap wokboi nating bilong mekim wok bilong em.+ Em i mekim ol i kamap ol soldia, ol hetman bilong ol ofisa bilong gavman, na ol kepten bilong ol man i sindaun long karis na ol man i raun long hos.+
-