Mi save kilim man i dai, na mi save givim laip long man.+

 6 Jehova i gat strong bilong kilim man i dai na givim laip long man;*

Em i gat strong long salim man i go long Matmat,* na kirapim bek man i dai pinis.+

32 Taim Elisa i kam insait long haus, em i lukim pikinini i dai na slip i stap long bet bilong Elisa.+

34 Na em i go antap long bet na lindaun antap long pikinini, na em i putim maus bilong em antap long maus bilong pikinini, na ai bilong em antap long ai bilong pikinini, na han bilong em antap long han bilong pikinini, na em i stap olsem. Em i mekim olsem na bodi bilong pikinini i kamap hat liklik.+

21 Wanpela taim ol man i laik planim bodi bilong wanpela man i dai pinis. Tasol taim ol i lukim ol soldia i save stilim ol samting i kam, hariap tru ol i tromoi bodi bilong dispela man i go insait long ples matmat bilong Elisa na ol i ranawe. Taim bodi bilong dispela man i go pas long ol bun bilong Elisa, em i kisim bek laip+ na em i kirap sanap.

15 Na dispela man i dai pinis, em i kirap sindaun na stat long toktok. Na Jisas i givim em bek long mama bilong em.+

54 Tasol em i holim han bilong em na singaut olsem: “Liklik gel, yu kirap!”+ 55 Na em i kisim gen laip,*+ na wantu em i kirap+ na Jisas i tokim ol long givim kaikai long dispela liklik gel.

28 No ken kirap nogut long dispela, long wanem, taim i laik kamap na olgeta man i stap long matmat* ol bai harim nek bilong Pikinini+ 29 na kam ausait. Ol man i bin mekim ol gutpela pasin, kirap bek bilong ol em bilong kisim laip, na ol man i bin mekim ol stingpela pasin, kirap bek bilong ol em bilong kisim kot.+

44 Orait dispela man husat i dai pinis em i kam ausait, na laplap i karamapim lek na han bilong em na wanpela laplap i karamapim pes bilong em. Jisas i tokim ol: “Rausim ol laplap na larim em i go.”

40 Tasol Pita i tokim olgeta long i go ausait,+ na em i brukim skru na beten. Na em i tanim i go long bodi, na em i tok: “Tabita, yu kirap!” Tabita i opim ai bilong em, na taim em i lukim Pita, em i kirap sindaun.+ 41 Pita i holim han bilong em na helpim em long kirap sanap, na em i singautim ol manmeri holi na ol wido, na em i soim ol olsem Tabita i stap laip.+

9 Na wanpela yangpela man, nem bilong em Yutikus, em i sindaun long windo long namba 3 floa bilong haus. Taim Pol i toktok i go, ai bilong Yutikus i hevi na em i slip i dai na pundaun i go daun long graun. Ol i go na apim em, tasol em i dai pinis. 10 Pol i go daun na slip antap long em na holim em+ na tok: “Maski long singaut, em i stap laip gen.”+

9 Long dispela as Krais i bin dai na em i kisim laip gen, bai em i ken i stap Bikpela bilong ol man i dai pinis na ol man i stap laip.+

17 Abraham i bilip, olsem na taim God i traim em,+ em i redi long givim Aisak olsem ofa—dispela man husat i bin amamas long kisim tok promis, em i redi long ofaim dispela wanpela pikinini bilong em+—

19 Abraham i gat tingting olsem maski sapos Aisak i dai, God inap kirapim em bek. Na em i bin kisim bek pikinini bilong em long dai, na dispela em i piksa bilong wanpela samting.+