26 Ahasia i gat 22 krismas taim em i kamap king, na em i stap king long Jerusalem inap 1-pela yia tasol. Nem bilong mama bilong em, Atalia,+ tumbuna pikinini meri* bilong King Omri+ bilong Israel.

27 Taim King Ahasia+ bilong Juda i lukim dispela samting i kamap, em i ranawe long rot i go olsem long wanpela bikpela gaden.* (Tasol bihain Jehu i bihainim em i go na tok: “Kilim em tu i dai!” Olsem na ol i sutim em long karis bilong em na em i kisim bagarap taim em i wok long i go long Gur, we i stap klostu long Ipleam.+ Tasol em i ranawe yet i go inap long Megido na em i dai long hap.