11 Jehova i save toktok wantaim Moses olsem man i save toktok wantaim narapela man.+ Taim Moses i go bek long kem, wokman na helpim bilong em,+ Josua,+ pikinini bilong Nun, i no save lusim dispela haus sel.

28 Na Josua,+ pikinini man bilong Nun, em wokman bilong Moses kirap long taim em i yangpela yet, em i tokim Moses olsem: “Bikman bilong mi, Moses, yu mas stopim tupela!”+

11 ‘Ol man em krismas bilong ol i 20 na i go antap na ol i bin lusim Isip na i kam, ol i no inap lukim dispela graun+ em mi bin mekim tok tru antap long givim Abraham, Aisak, na Jekop+ bikos ol dispela man i no bin givim bel olgeta long bihainim tok bilong mi. 12 Tasol Kalep,+ pikinini man bilong Jefune bilong lain Kenas na Josua,+ pikinini man bilong Nun, tupela tasol bai lukim dispela graun, long wanem, tupela i bin givim bel olgeta long bihainim tok bilong Jehova.’+

9 Na savetingting* i pulap long Josua, pikinini man bilong Nun, long wanem, Moses i bin putim han antap long em;+ na ol Israel i kirap long putim yau long tok bilong em, na ol i mekim ol samting olsem Jehova i bin tokim Moses.+

1 Bihain long Moses, wokman bilong Jehova, i dai, Jehova i tokim Josua,*+ pikinini man bilong Nun na wokman+ bilong Moses, olsem: