13 Ol i givim ol dispela pas long ol man bilong bringim tok na ol i bringim ol dispela pas i go long olgeta provins i stap aninit long king. Pas i tok long wanpela de tasol, em de namba 13 bilong namba 12 mun, em mun Adar,+ ol i mas bagarapim na kilim i dai olgeta Juda, em ol yangpela na ol lapun, na ol pikinini na ol meri, na kisim olgeta samting bilong ol.+

7 Na Mordekai i tokim em long olgeta samting i bin kamap long em na hamas mani stret+ Haman i tok promis long putim long haus mani bilong king bilong ol i ken kilim i dai ol Juda.+ 8 Na em i givim tu wanpela pas i gat dispela lo olsem ol i mas kilim i dai olgeta manmeri Juda. Ol i bin tokaut long dispela lo long taun Susan.*+ Em i tokim Hatak long givim dispela pas long Esta na tokim em long olgeta samting i bin kamap.+ Na em i mas tokim Esta long i go long king na askim king long marimari long lain bilong em.