Wastaua INTENET LAIBRERI
Wastaua
INTENET LAIBRERI
Tok Pisin
  • BAIBEL
  • Ol PABLIKESEN
  • Ol MITING
  • Lo 6:10-12
    Nupela Taim Trenslesen Bilong Ol Skripsa Holi
    • 10 “Jehova, God bilong yupela, bai bringim yupela i go long graun em i bin tok tru antap long en long ol tumbuna papa bilong yupela Abraham, Aisak, na Jekop long givim yupela,+ em graun i gat ol gutpela strongpela taun yupela yet i no bin wokim,+ 11 ol haus i pulap long olgeta kain gutpela samting em yupela yet i no bin hatwok long bungim, na ol hulwara em yupela yet i no bin wokim, na ol gaden wain na ol diwai oliv em yupela yet i no bin planim. Bai yupela i kaikai olgeta na bai yupela i pulap stret.+ 12 Tasol yupela i mas lukaut gut, nogut yupela i lusim tingting long Jehova,+ em man husat i kisim yupela long Isip na bringim yupela i kam, em ples we yupela i bin stap sleiv.*

  • Jop 31:24
    Nupela Taim Trenslesen Bilong Ol Skripsa Holi
    • 24 Olsem wanem? Ating mi bin bilip olsem gol bai helpim mi, a?

      Na ating mi bin tokim gutpela gol olsem, ‘Yu inap helpim mi long i stap gut!’+

  • Jop 31:28
    Nupela Taim Trenslesen Bilong Ol Skripsa Holi
    • 28 Sapos mi bin mekim ol dispela pasin, orait i stret ol i kotim mi na mekim save long mi,

      Long wanem, pasin mi mekim i makim olsem mi givim baksait long God tru.

  • Provep 11:4
    Nupela Taim Trenslesen Bilong Ol Skripsa Holi
    •  4 Mani kago* bai i no inap helpim man long de bilong bikpela belhat,+

      Tasol stretpela pasin bai kisim bek man long dai.+

  • Provep 11:28
    Nupela Taim Trenslesen Bilong Ol Skripsa Holi
    • 28 Man i trastim ol mani kago bilong em yet, em bai pundaun,+

      Tasol ol samting em stretpela man i mekim bai kamap gut olsem ol grinpela lip bilong diwai.+

  • Provep 23:4, 5
    Nupela Taim Trenslesen Bilong Ol Skripsa Holi
    •  4 No ken pinisim strong bilong yu long kisim mani kago.+

      Stop na kamapim pasin bilong kliagut long ol samting.*

       5 Taim yu tromoi ai i go long mani kago, em i no stap moa,+

      Bikos em bai groim wing olsem bilong tarangau na flai i go pinis long skai.+

  • Matyu 6:19
    Nupela Taim Trenslesen Bilong Ol Skripsa Holi
    • 19 “Lusim pasin bilong bungim ol gutpela gutpela samting bilong yupela long graun,+ em ples we ol binatang na ros i save bagarapim ol samting, na ol stilman i save kam na stilim.

  • Matyu 6:24
    Nupela Taim Trenslesen Bilong Ol Skripsa Holi
    • 24 “I no gat wanpela man inap stap wokboi bilong tupela bosman. Em bai laikim wanpela na i no laikim narapela,+ o em bai pas wantaim wanpela na les long narapela. Yupela i no inap stap wokboi bilong God na Mani wantaim.+

  • Mak 8:36
    Nupela Taim Trenslesen Bilong Ol Skripsa Holi
    • 36 Sapos man i kisim olgeta samting bilong dispela graun tasol laip bilong em i lus, dispela bai helpim em olsem wanem?+

  • Luk 12:15
    Nupela Taim Trenslesen Bilong Ol Skripsa Holi
    • 15 Na em i tokim ol: “Ai bilong yupela i mas op na yupela i mas sakim pasin gridi,*+ long wanem, maski man i gat planti samting, em i no kisim laip long ol dispela samting em i holim.”+

  • 1 Timoti 6:17
    Nupela Taim Trenslesen Bilong Ol Skripsa Holi
    • 17 Tokim ol man husat i gat planti mani long dispela taim* bilong nau long ol i no ken ting olsem ol i winim ol arapela. Na ol i no ken putim trast bilong ol long mani samting i bilong stap sotpela taim tasol, nogat.+ Ol i mas trastim God husat i save givim yumi planti gutpela samting bilong mekim yumi amamas.+

  • 1 Jon 2:16
    Nupela Taim Trenslesen Bilong Ol Skripsa Holi
    • 16 long wanem, olgeta samting bilong dispela graun, olsem laik nogut bilong bel+ na pasin bilong aigris+ na pasin bilong hambak long mani kago, ol i no kam long Papa, nogat, ol i kam long dispela graun.

Tok Pisin Pablikesen (1983-2025)
Log Aut
Log In
  • Tok Pisin
  • Serim
  • Preferens
  • Copyright © 2025 Watch Tower Bible and Tract Society of Pennsylvania
  • Ol Lo Bilong Yusim
  • Privacy Policy
  • Ol Praivesi Seting
  • JW.ORG
  • Log In
Serim