• Krai 2:15
    Nupela Taim Trenslesen Bilong Ol Skripsa Holi

    • 15 Ol man i wokabaut long rot i lukim yu na ol i tok bilas long yu na paitim han bilong ol.+

      Ol i kirap nogut na wisil+ na ol i tantanim het bilong ol long pikinini meri bilong Jerusalem, na ol i tok:

      “Ating em dispela taun tasol ol man i bin kolim nambawan taun tru na i naispela moa, a? Em dispela taun tasol olgeta manmeri bilong graun i laikim tumas, a?”+

  • Habakuk 1:5-7
    Nupela Taim Trenslesen Bilong Ol Skripsa Holi

    •  5 “Lukluk long ol arapela kantri na putim gut yau!

      Lukluk strong na bai yupela i kirap nogut;

      Wanpela samting bai i kamap long taim bilong yupela,

      Na yupela i no inap bilipim maski ol i tokim yupela.+

       6 Harim. Mi bai kirapim ol Kaldia+ long i kam,

      Em kantri bilong pait na bagarapim ol narapela.

      Ol i save go nabaut long olgeta hap bilong graun

      Bilong kisim ol haus i no bilong ol.+

       7 Ol i strongpela lain na ol man i save pret nogut tru long ol.

      Na ol yet i save kamapim ol lo bilong ol na wok bos bilong ol.*+