• Aisaia 63:1-3
    Nupela Taim Trenslesen Bilong Ol Skripsa Holi

    • 63 Husat dispela man i lusim Idom na i wok long kam,+

      Em i lusim Bosra+ na i werim braitpela kala* laplap?

      Husat dispela man i gat naispela klos tru,

      Na i mats i kam wantaim bikpela strong bilong em?

      “Em mi tasol, Man i save mekim stretpela tok tasol,

      Na Man i gat bikpela strong long seivim ol man.”

       2 Bilong wanem klos bilong yu i retpela,

      Na bilong wanem ol laplap bilong yu i olsem bilong man i save krungutim ol greip long tang ston?+

       3 “Mi wanpela tasol i bin krungutim ol greip long tang ston.

      I no gat wanpela bilong ol lain manmeri i bin stap wantaim mi.

      Mi wok long krungutim ol wantaim belhat bilong mi,

      Na mi wok long krungutim ol wantaim bikpela belhat bilong mi.+

      Blut bilong ol i kalap nabaut long ol laplap bilong mi,

      Na i putim ol mak long olgeta klos bilong mi.

  • Obadia 8, 9
    Nupela Taim Trenslesen Bilong Ol Skripsa Holi

    •  8 Long dispela de,” Jehova tok,

      “Bai mi bagarapim ol man i gat savetingting long Idom,+

      Na bai mi bagarapim ol man i gat gutpela tingting bilong skelim ol samting em ol i stap long ol ples maunten bilong Iso.

       9 Na ol soldia bilong yu bai pret tru,+ O Teman,+

      Long wanem, olgeta wan wan bilong ol bai pinis olgeta+ long ol ples maunten bilong Iso.