6 Long namba 9 yia bilong Hosia i stap king, king bilong Asiria i pait na kisim taun Samaria.+ Na em i kisim ol manmeri bilong Israel long ples bilong ol na bringim ol i go olsem ol kalabus+ long Asiria, na em i putim sampela long Hala na sampela long Habor long Wara Gosan+ na sampela long ol taun bilong ol Midia.+

22 Na ol manmeri bilong Israel i wok long mekim olgeta kain sin olsem Jeroboam i bin mekim.+ Ol i no lusim ol dispela pasin, nogat. 23 Ol i mekim olsem i go inap long Jehova i rausim ol long ai bilong em, olsem em i bin tokaut long rot bilong ol wokman bilong em, em ol profet.+ Na ol i kisim ol Israel long graun bilong ol na bringim ol i go olsem ol kalabus long Asiria.+ Na ol i stap long dispela hap i kam inap long nau.