-
Aisaia 2:2, 3Nupela Taim Trenslesen Bilong Ol Skripsa Holi
-
-
2 Long taim bilong las de,
Dispela maunten em haus bilong Jehova i sanap long en
Bai kamap strong tru na stap antap winim ol arapela maunten,+
Na em bai go antap moa winim ol liklik maunten,
Na planti lain manmeri bai go long en.+
3 Na planti lain manmeri bai go na tok:
“Kam, yumi go antap long maunten bilong Jehova
Long haus bilong God bilong Jekop.+
Em bai skulim yumi long ol pasin bilong em,
Na bai yumi wokabaut long ol rot bilong em.”+
-
-
Aisaia 56:6, 7Nupela Taim Trenslesen Bilong Ol Skripsa Holi
-
-
6 Ol man bilong narapela ples husat i lotuim Jehova na mekim wok bilong em,
Na i laikim nem bilong Jehova,+
Na i stap olsem ol wokman bilong em,
Na olgeta husat i save tingim Sabat olsem de holi
Na i holim strong kontrak bilong mi,
7 Bai mi bringim ol tu i kam long maunten holi bilong mi+
Na mekim ol i amamas insait long haus bilong mi bilong mekim beten.
Mi bai orait long ol ofa bilong paia i kukim olgeta na ol sakrifais bilong ol long alta bilong mi.
Bikos ol bai kolim haus bilong mi olsem haus bilong olgeta lain manmeri long mekim beten.”+
-
-
Maika 4:1, 2Nupela Taim Trenslesen Bilong Ol Skripsa Holi
-
-
4 Long taim bilong las de,
Dispela maunten em haus bilong Jehova i sanap long en+
Bai kamap strong tru na stap antap winim ol arapela maunten,
Na em bai go antap moa winim ol liklik maunten,
Na planti manmeri bai go long en.+
2 Na planti lain manmeri bai go na tok:
“Kam, yumi go antap long maunten bilong Jehova
Na long haus bilong God bilong Jekop.+
Em bai skulim yumi long ol pasin bilong em,
Na bai yumi wokabaut long ol rot bilong em.”
Long wanem, lo* bai lusim Saion na i go aut,
Na tok bilong Jehova bai lusim Jerusalem na i go aut.
-
-
Sekaraia 8:22, 23Nupela Taim Trenslesen Bilong Ol Skripsa Holi
-
-
22 Na planti lain pipol na ol strongpela kantri bai ol i kam long Jerusalem+ bilong painim Jehova, bosman bilong bikpela lain ami na long askim Jehova long mekim gut long ol.’
23 “Jehova, bosman bilong bikpela lain ami, i tok olsem, ‘Long dispela taim 10-pela man bilong olgeta tokples bilong ol kantri+ bai kam na ol bai holim longpela klos* bilong wanpela Juda,* na ol bai tok olsem: “Mipela i laik go wantaim yupela,+ long wanem, mipela i harim olsem God i stap wantaim yupela.”’”+
-